حاجة رخمة جدا

الأرقام و السداسي

في الشكل المرفق... المطلوب هو توزيع الأرقام من 1 إلى 28 على النقاط المعطاة بحيث لا يتكرر الرقم/العدد أكثر من مرة واحدة.. و في نفس الوقت يكون مجموع الأرقام في كل ضلع متساوي...

طبعا النقاط الحمراء عبارة عن مواقع "الأعداد الأولية"







معضلة اخميدو

انا الفزوة اللى هاحطها دى معقدانى من وا نا عندى 4 سنين و اللى قاللى عليها والدى و عرض عليا مقابل حلها 100 جنيه و لحد دلوقتى مش عارف احلها و دى بالنسبى لى معضلة والفزورة كالاّتى:

عندنا 3 بيوت و عندنا 3 خدمات كهرباء و مياه و غاز و المطلوب انك توصل كل بيت بالتلات خدمات من غير ما خط يجى على خط بالكراس و اتعقدوا زى منا اتعقدت او حلوها و فكولى عقدتى





طاولة مستديرة

انت عندك قطعة خشب مستطيلة الشكل طولها 4 متر و عرضها 2 متر... المطلوب انك تعمل طاولة مستديرة باستخدام قطعة الخشب دي و لكن بالشروط التالية:

- سمك الطاولة المستديرة لازم يساوي سمك قطعة الخشب الأصلية...
- الطاولة المستديرة لازم سطحها يكون مكون من قطعتين على الأكثر...
- سطح الطاولة لازم يكون كامل... يعني ما فيش خروم أو حتت ناقصة...
- ما تقلقش بخصوص أرجل الطاولة... لأن اللي طلبوا الطاولة لحد دلوقت ما حددوش العدد... و لذلك فإنت هتستخدم قطعة الخشب لعمل سطح الطاولة.. أما الأرجل فقررنا نستخدم لها قطعة خشب أخرى ...

المطلوب/ ما هو أكبر قطر للطاولة يمكن عمله...






تجزيء المستطيل

هل نستطيع تجزيء مستطيل أبعاده 3X1 إلى عدد من القطع.. بحيث يمكننا تجميع هذه القطع لتكوين مربع مساحته 3؟ إذا كانت الإجابة نعم... فكم أقل عدد من القطع؟ مع إثبات حلك هندسيا أو رياضيا...







2004

من فترة بسيطة كنت بأتصفح المنتدى و لقيت ان معظم الأعضاء المخضرمين في منتدى الأذكياء التحقوا بمنتديات الديفيدي خلال عام 2004... (باستثناء عضونا المتألق و متصدر قائمة أذكى الأذكياء laplac)... و لذلك فالعام 2004 له معزة خاصة في نفسي... و عشان كده فاللغز ده هيكون بخصوص العدد 2004...

فكرة اللغز هي اننا ناخذ أي رقم.. و باستخدام هذا الرقم فقط عدد معين من المرات نستطيع الوصول للعدد 2004... العمليات الحسابية المسموح بها هي: الجمع.. الطرح.. الضرب.. القسمة.. القوة.. المضروب.. و الجذر التربيعي... بالإضافة لأننا ممكن نضم الأرقام جنب بعض لتكوين أعداد...

المطلوب هو استخدام جميع الأرقام من 0 إلى 9.. للوصول للعدد 2004... (و لكن كما أسلفنا كل رقم يستخدم على حده)... ثم تحصي عدد المرات اللي استخدمت فيها كل الرقم... و لتوضيح الفكرة فسأعطي مثال لكيفية التوصل للعدد 10 (القراءة من الشمال لليمين):

(3 مرات).......... 1 – 11 = 10
(4 مرات).......... 2/(2 – 22) = 10
(4 مرات).......... 3/3 + 3*3 = 10

يعني مطلوب عشر معادلات مختلفة... كل معادلة تكون باستخدام رقم واحد فقط... و العضو اللي يستطيع كتابة معادلة للوصول للعدد 2004 باستخدام الرقم أقل عدد من المرات سيفوز بنقطة تلك المعادلة...

ملاحظة مهمة: لو عضو كتب معادلة باستخدام رقم ما 13 مرة... و جاء بعده عضو و كتب معادلة باستخدام نفس الرقم و لكن 10 مرات... ثم جاء عضو و استطاع ان يكتب معادلة باستخدام نفس الرقم 9 مرات فقط... فإن نقاط تلك المعادلة ستكون من نصيب العضو الثالث (صاحب اقل مرات استخدام للرقم)...






مباراة الدومينو

طبعا كلنا عارفين الدومينو
ولمن لا يعرفها فهي احجار علة كل حجر رقمين من 0 و 0 الى 6 و 6 يعني 28 حجر ( طبعا مفيش مكرر)
انا واصحابي حبينا نلعب دومينو
جبنا ال 28 قطعة ووزعناهم على صاحبي الاولاني 6 قطع
وانا 6 قطع
وصاحبي التاني 6 قطع
صاحبي الاولاني قال يااااااااه ده انت لو جمعت الارقام الي معايا هتكون اكبر عدد ممكن الواحد ياخده خالص من القطع دي
وصاحبي التاني قال يااااااه ده انت لو جمعت الارقام الي معايا هتكون اصغر عدد ممكن الواحد ياخده خالص من القطع دي
وانا بصيت في احجاري لقيت مجموعهم = عدد مربع الا ان ليهم ميزة تانية لكل حجر
وسيبنا ال 10 القطع الباقين لمساعدة للي مايلاقيش معاه رقم مناسب ياخد منهم
باعتبار ان انا رخم وباحب اخسر غيري
وكل الاحجار الي معانا هانلعبها بالترتيب ده
(0و0) (0و1) (0و2) (0و3) (0و4) (0و5) (0و6) (1و1) (1و2) (1و3) (1و4) (1و5) (1و6) (2و2) (2و3) (2و4) (2و5) (2و6) (3و3) (3و4) (3و5) (3و6) (4و4) (4و5) (4و6) (5و5) (5و6) (6و6)
وكلو هيتلعب كده يعني الي نعدي عليها الاول ناخدها مهما كان
وترتيب اللعب
صاحبي الاول
انا
صاحبي التاني
وقطع المساعدة كلها اتسحبت الا القطعة الاخيرة بس
هل يمكنك توقع ما الاحجار التي كانت مع كل واحد
وما الاحجار التي سحبها كل منا
ومن فاز بالمباراة






عمود الكرات

خمس كرات بأحجام مختلفة و ضعت داخل قمع مخروطي... كل كرة تلامس الكرات المجاورة... و في نفس الوقت كل الكرات تلامس الجدار الداخلي للقمع... نصف قطر أصغر الكرات هو 18 ملم... و نصف قطر أكبر الكرات هو 50 ملم...

المطلوب/ إيجاد نصف قطر الكرة الوسطى...






التحويل إلى المربع


المطلوب تقطيع الشكل الموجود في المرفقات أقل عدد من القطع لتكوين مربع كامل






لغز الكرة والسطح الاملس


عندنا كرة معدنية (10 كيلوجرام) وضعناها علي سطح أملس مائل بزاوية 30 درجة علي الأرض (المستوي الأفقي) , وأمام السطح الأملس دا في سطح تاني مائل بزاوية 60 درجة علي الأرض بحيث السطحين والأرض متلامسين في نقطة واحدة .

دلوقتي سيبنا الكرة تتزحلق علي السطح , حسبنا الوقت للي أخذته الكرة لحد ما وصلت لآخر السطح الأول (عند نقطة التقاء السطحين) لقيناه ثانيتين .


الطلب : عايزين نعرف الكرة قطع مسافة قد إيه علي السطح الثاني (وحدة الطول هي المتر)





عملتين

كنت فى نزهه انا وصديقاى
بس هما الاتنين اختلفوا علىالمكان اللى هنروح فيه
واحد قال نروح سينما وواحد قال نروح مسرح
قلت مفيش حل للموضوع ده غير البريزه
دخلت ايدى فى جيبى وطلعت بريزتين
بس انا فاكر ان واحده منهم بس هى اللى لو رميتها هتعطى صوره او كتابه بنفس النسب
وللأسف مش فاكر انهى واحده فيهم
وانا مش عاوز اظلم حد معايا
ازاى بقى استخدم البريزتين دول فى عمل قرعه على المكان اللى هنروحه ؟

ملحوظه: نقاط اللغز لصاحب اكبر عدد من الحلول .





لقاء في الكوفي شوب

طبعا أنا مشتاق لصديقي العزيز laplac لأن لي فترة طويلة ما شفتوش... اتصلت به و رتبت معاه موعد نتقابل في محل كوفي شوب مشهور بأنه يقدم نوعيه مميزة من ماء الحنفية مع كل فنجان اسبريسو... طبعا أنا و laplac ناس عمليين... و عندنا مشاغل كثير.. و لذلك احنا اتفقنا ان كل واحد منا هيجي للكوفي شوب في أي وقت بين الساعة الرابعة و الخامسة مساء.. و ينتظر الشخص الآخر لمدة 20 دقيقة أو حتى تصبح الساعة 5 مساء.. أيهما أسبق...

السؤال/ ما هو إحتمال أن نتقابل أنا و laplac؟





بيروقراطية

انت كنت ماشي في طريق... و وصلت إلى مفترق طرق... و انت عارف و متأكد ان واحد من الطريقين دول هو طريق السلامة... بينما الثاني هيوديك في داهية... بس مش قادر تميزهم من بعض... طبعا دي قصة قديمة و كلنا عارفينها...
الموضوع الأصلى من هنا: منتديات شباب مصر | ايجى لفرز | Egylovers | عشاق مصر http://www.egylovers.com/vb/showthread.php?t=16163

الجديد بقى.. ان انت لقيت عند المفترق ده ملك و حاشيته المكونة من 7 أشخاص ذوي رتب متدرجة... الملك يعرف أي الطريقين هو طريق السلامة... بس انت ما تقدرش تتكلم مع الملك مباشرة... انت تسأل السؤال اللي انت عايزه لصاحب أقل رتبة في الحاشية.. و هو يسأل صاحب الرتبة اللي أعلى منه.. و هكذا.. إلى أن يصل السؤال إلى الشخص السابع اللي هو صاحب أعلى رتبة و هو بدوره يوجّه السؤال للملك... و طبعا الإجابة هترجع لك بنفس الطريقة البيروقراطية و لكن بترتيب معاكس بالطبع...

الملك انسان صادق و يعطي إجابات صحيحة دائما... و لكن المشكلة إن الحاشية بتاعته عبارة عن شلّة كذابين... أي واحد في الحاشية لا يملك الجرأة إنه يكذب على اللي أعلى منه رتبة... و لكن ممكن يكذب على اللي رتبته أقل منه... و كل ما كانت رتبة الشخص أعلى كل ما كان يكذب أكثر... يعني الشخص اللي تحت الملك مباشرة ده راجل كذاااااب بشككككل... دايما يقول عكس الجواب اللي إداه له الملك... الشخص اللي أقل منه رتبة بيكذب مرة و مرة لا... و اللي تحته بيكذب مرة و مرتين لا.. و هكذا... إلى أن نصل للشخص صاحب أقل رتبة اللي بيكذب مرة و ست مرات يقول الحقيقة...

الملك ما شاء الله عليه صبور جدا جدا... يعني تقدر تسأله أي عدد من الأسئلة انت عايزه.. و حتى لو كررت السؤال هو مش هيزعل و يشخط فيك... و لكن هو في نفس الوقت مش ذكي جدا.. يعني لو سألته سؤال مركب على طول يتلخبط و ما يعرفش يجاوب...

كل واحد من الحاشية لازم يبدأ يومه بقول الكذب... يعني لو انت قابلتهم الصبح بدري و كنت أول واحد يسألهم فأكيد كلهم هيكذبوا عليك.. و بكده انت ممكن تعرف الإجابة الصحيحة على طول... بس المشكلة ان انت قابلت الملك و حاشيته في الظهر.. و ما تعرفش كم واحد قبلك قابلهم... و بالتالي ما تعرفش هم اتسألوا كم سؤال قبل كده...

المطلوب/ كم أقل عدد من الأسئلة تحتاج لمعرفة طريق السلامة؟... مع توضيح الإجابة...

ملاحظات مهمة:

1- حل اللغز سيكون من نصيب من يستطيع إيجاد و إثبات طريقة فعالة لمعرفة طريق السلامة بأقل عدد من الأسئلة…
2- يحبذ تعليق الأعضاء على حلول الأعضاء الآخرين و إبداء آراءهم في مدى فعالية الأفكار المطروحة...





إشاعات

انت ضمن مجموعة من 10 أشخاص... كل شخص مستقل بمنزله... و لكن تجمعكم طبيعة واحدة و هي حب نشر الإشاعات ما بينكم... و علشان كده كل واحد منكم قاعد في بيته جنب التليفون مستني الإشاعات علشان ينشرها...

انت دلوقت عندك إشاعة.. رفعت سماعة التليفون علشان تبدأ في نشر الإشاعة.. و كلمت واحد من التسعة الباقيين... و بكده انت بدأت سلسلة نشر الإشاعة... طبعا كل شخص هتوصل له الإشاعة هيرفع السماعة ثاني و ينشرها لشخص آخر(و الطبيعي انه مش هيكلم الشخص اللي لسه قايل له عن الإشاعة)...

المطلوب هو/ ما هي احتمالية ان تتلقى انت المكالمة الخامسة في السلسلة إذا كان:

- الحالة الأولى: الشخص يستطيع مكالمة شخص آخر سبق و أن تهاتفا و تحادثا بشأن الإشاعة بشرط أن لا يكون الشخص اللي لسه مكلمه...

- الحالة الثانية: ان أي شخص لن يحادث أي شخص آخر مرتين (لأنه أكيد هيبقى عارف الأشاعة فالمكالمة ما لهاش لازمة و أهي توفر في فاتورة التليفون)...





مصفوفة الأرقام

أي رقم يمثله الـx في المصفوفة الأخيرة؟

9.............7.............4
7.............8.............2
4.............6.............3

3.............9.............6
8.............8.............7
0.............1.............6

5.............3.............8
9.............4.............2
2.............9.............1

6.............7.............5
8.............1.............3
x...........x+1........x+2






اوجد الزاوية

فى المثلث ABC النقطة D منتصف BC ..والزوايا موضحة فى الصورة ..

المطلوب .. ايجاد قيمة الزاوية ABD ..







ماطول قطر الدائرة


قام سامي بوضع طاولة مستديرة في زاوية غرفته بحيث تلمس حافتي الجدارين ثم وضع علامة نقطة في الطرف القريب من الحائط بعدها أخبر أخاه هشام أن هذه النقطة تبعد 9 بوصات تماماً عن أحد الجدارين وتبعد 8 بوصات عن الجدار الآخر ثم سأل هشام إن كان يستطيع تحديد قطر الطاولة الذي يتجاوز العشر بوصات بكثير ؟؟؟ فما طول قطر هذه الطاولة ...؟؟؟






لغز رياضي منطقي ... 2


نفس فكرة اللغز الأول (مش لاقيه) كان بإسم HunterXXXHunter .. واللى قام بيه Rooka .. المرة دى أسهل شوية :

14 + 31 = 100

22 - 13 = 4

11 * 14 = 204

44 / 13 = 3


32 + 43 = ؟؟؟




وطبعا دا نظام قائم على (5 أعداد) 0 1 2 3 4 .. بس مش بالترتيب ..






عدد الالغاز


عدد الالغاز
في احد الايام السابقة في الاجازة الصيفية الي كان فيها المنتدى من انشط ما يكون قام كل من noor_409 وalmaeihm وtigger وaaaaa42bbbbb وvirus بالاشتراك في وضع كمية رهيبة من الالغاز في موضوع واحد وشارك فيه 3 اعضاء فقط بالحل هم Rooka و X-GoGo و usama ahmed ولكن بعض الالغاز ما اتحلتش وكان هناك اربع انواع من الالغاز (حسابية - هندسية - منطقية - معلومات عامة ) عايزك بقى تدقق في المعطيات دي كويس :
- عدد الالغاز الحسابية التي قام Rooka بحلها يزيد بمقدار 3الغاز عن جميع الالغاز التي قام X-GoGo بحلها
-مجموع عدد الالغاز الحسابية والهندسية التي قام usama ahmed بحلها = عدد الالغاز الحسابية التي قام X-GoGo بحلها
-عدد الغاز المعلومات العامة التي قام Rooka بحلها = (عدد الالغاز المنطقية + عدد الغاز المعلومات العامة)التي قام X-GoGo بحلها
-عدد الالغاز الحسابية التي قام usama ahmed بحلها = (عدد الالغاز الهندسية + عدد الالغاز المنطقية )التي قام X-GoGo بحلها
-مجموع عدد الاالغاز التي قام usama ahmed بحلها يزيد بمقدار لغزين عن عدد الالغاز الغير محلولة
-عدد الالغاز الهندسية التي قام Rooka بحلها = ضعف عدد الالغاز المنطقية التي قام هو نفسه بحلها
-عدد الالغاز الحسابية التي قام X-GoGo بحلها =ضعف عدد الالغاز الهندسية التي حلها هو نفسه
-عدد الالغاز المنطقية التي قام usama ahmed بحلها = (عدد الالغاز المنطقية +الغاز المعلومات العامة ) التي قام X-GoGo بحلها = عدد الغاز المعلومات العامة التي قام Rooka بحلها
-عدد الالغاز الغير محلولة = مجموع عدد الالغازالهندسية والمنطقية التي قام Rooka بحلها
-عدد الالغاز الهندسية التي قام Rooka بحلها = عدد الالغاز الحسابية التي قام X-GoGo بحلها
-عدد الالغاز المنطقية التي قام Rooka بحلها = عدد الالغاز الهندسية التي قام X-GoGo بحلها
-عدد الغاز المعلومات العامة التي قام Rooka بحلها = عدد الالغاز المنطقية التي قام usama ahmed بحلها
-جميع الالغاز في الموضوع عددها = 100

السؤال/كم عدد الالغاز الغير محلولة







20 جنيه


20 جنيه
كلنا عارفين ان الجنيه يتكون من 100 قرش
انت بقا كان معاك ورقة ب 20 جنيه وعايز تفكها لاي حاجة
رحت لواحد كان معاه الفئات دي بس ( 5 قروش-10قروش-ربع جنيه - نصف جنيه - جنيه - 5جنيه )يعني قطعة بكل فئة وقلتله فكلي ال20 دي يا عم
السؤال / بكم طريق يمكن ان يعيد لك الرجل ال 20 جنيه بعد ان يفكها





العبور فوق العشب

في أحد المعسكرات الصيفية لطلاب المرحلة الإبتدائية... كان مجموعة من الطلاب يقودهم أحد المشرفين بيمشوا في منطقة مفتوحة... و وصلوا إلى ركن منطقة مربعة مزروعة بالعشب... و لاحظوا أن آثار الأقدام تقود إلى الركن المقابل من المربع و ذلك بالمشي بمحاذاة حافة المنطقة المزروعة كما هو مبين بالخط الأحمر في الشكل رقم 1 و يبدأ من A إلى B...

أحمد، أحد الطلاب، قال لهم ان ممكن يوصلوا من A إلى B بشكل أسرع لو مشيوا بشكل قطري لأن القطر أقصر من مجموع ضلعي المثلث كما هو معروف...

المشرف ابتسم و قال: "في الحقيقة.. القطر له نفس طول الطريق اللي فيه آثار الأقدام و اللي الناس بيستخدموه عادة... فمن الأفضل إننا ما ندوسش على العشب و نخرب منظره الجميل"...

سأل أحمد:"الله!!! إزاي الطريقين لهم نفس الطول؟؟!؟!!؟!!"...

رد المشرف: "تخيلوا ايه هيحصل لو احنا سلكنا الطريق اللي في الشكل رقم 2... الطريق ده له نفس طول الطريق العادي اللي في الشكل 1... صح؟"...

قال الطلاب: "صح"...

قام المشرف قال: "و لو سلكنا الطريق اللي في الشكل رقم 3... برضه هيكون نفس الطول... مضبوط؟"...

رد الطلاب: "مضبوط"...

قال المشرف:"خلاص... يبقى أي طريق على شكل مدرج يبقى له نفس طول الطريق المعتاد... و تخيلوا ان التدريج ده بيصغر حبة حبة... لحد ما يصبح صغير جدا جدا جدا... هيكون الطريق في الحالة دي هو الطريق القطري اللي بيتكلم عنه أحمد... و لكن أحنا لسه متفقين على أن أي طريق مكون بتصميم مدرج سيكون له نفس طول الطريق في الشكل 1... إذا لا داعي للعبور فوق العشب"...

الطلاب سكتوا و هم مذهولين...

بصراحة كلام المشرف فيه نوع من المنطق... و لكن كلام أحمد هو اللي تعلمناه و عارفينه...

السؤال/ أي الرأيين أصح؟ و لماذا...







كاذبين متذبذبين

خمس أشخاص مجتمعين في غرفة... واحد من الخمسة شخص صادق جدا و دايما بيقول الحقيقة... الأربعة الثانيين عبارة عن "كاذبين متذبذبين".. يعني بيبادلوا إجاباتهم بين الصدق و الكذب: صدق، كذب، صدق، كذب، صدق، كذب، الخ الخ الخ...

المشكلة ان انت ما تعرفش هل الكاذب المتذبذب ده هيبدأ بقول الحقيقة أو الكذب... و كمان هو ما بيقررش رده هيكون صدق أو كذب إلا بعد ما يسمع سؤالك هيكون أيه..

و للمعلومية فإن جميع من الغرفة يعرفون بعضهم جيدا و بالتالي فهم يعرفون من هو الشخص الصادق و من الكاذبين المتذبذبين...

انت ممكن تسأل سؤالين فقط بشرط انك توجه كل سؤال لشخص واحد فقط يعني ما يكونش سؤال جماعي... و أيضا يشترط أن تتلقى إجابة السؤال من نفس الشخص اللي سألته...

السؤال/ كيف ستتعرف على الشخص الصادق بين الخمسة بمجرد طرح سؤالين فقط؟





المعادلة

شوف المعادلة دي:

987654321=123456789

أنا عايزك تعملها لي معادلة صحيحة بعمل الآتي:

- بإضافة علامتي طرح و علامة جمع في طرفي المعادلة.. و في نفس المواقع... يعني لو فيه علامة بعد رقمين في الطرف اليمين يبقى لازم تحط علامة بعد رقمين في الطرف الشمال و هكذا...

- بإضافة علامتي طرح و علامة جمع للطرف الأيسر.. و إضافة علامتي جمع و علامة طرح للطرف الأيمن... و لا يشترط وضع العلامات في نفس المواقع

و حبذا.. حبذا تقول لي على أي أساس وضعت العلامات في مكانها...





العناية بالمرضى

في أحد مستشفيات الخمسة نجوم اللي بقت اليومين دول أحسن من اللوكاندات.. وصل الإهتمام بالمرضى إلى درجة أن كل مريض تلازمة ممرضة باستمرار.. ما تفارقش سريره... و بالطبع ما دام هذا هو الحال فإن كل ممرضة تستطيع العناية بمريض واحد فقط...

حسب نظام العمل و العمال.. فإن الممرضات لا يعملن أكثر من ثمان ساعات في خلال الـ 24 ساعة... و لكنهم فليكسيبل جدا.. يعني ما بتفرقش معاهم إمتى يبدأوا نوبتهم... و طريقة عملهم خلال النوبة كالتالي: يشتغلوا خمس ساعات.. و بعدين عندهم استراحة لمدة ساعة... يرجعوا بعدها يشتغلوا 3 ساعات...

الموضوع الأصلى من هنا: منتديات شباب مصر | ايجى لفرز | Egylovers | عشاق مصر http://www.egylovers.com/vb/showthread.php?t=16163
السؤال/ إذا كان في المستشفى (ن) من المرضى.. فكم أقل عدد من الممرضات يحتاج المستشفى ليحقق ما عوّد عليه نزلاؤه من إهتمام و رعاية فائقين؟





قنبلة نووية

في أعقاب انفجار قنبلة نووية... انت الآن محبوس مع مجموعة من الناس في ملتجأ للحماية من آثار الإشعاع النووي... أجهزة قياس الإشعاع تعطي قراءات مضمونها ان الوضع غير آمن في الخارج لمدة 6 شهور... انتوا في الملتجأ عندكم و لله الحمد طعام و ماء كفاية... بالإضافة لجميع الإحتياجات اللي بتكفيكم طوال فترة بقاءكم...

و لكن... هناك مجموعة أخرى متحصنة في ملتجأ آخر في مدينة أخرى... هذه المجموعة قامت بالاتصال بمجموعتكم لحل مشكلة يواجهونها... المشكلة تتلخص في أن ملتجأهم فيه 9 أشخاص... بينما المؤونة تكفي فقط 4 أشخاص للبقاء أحياء إلى أن يصبح الوضع آمن للخروج... و هم قرروا ان 5 منهم لازم يغادروا الملتجأ... و لكن مشكلتهم انهم مش قادرين يحددوا أيهم سوف يخرجون إلى موتهم الأكيد...

المجموعة الثانية طلبوا منكم تتخذوا القرار بهذا الشأن... و أيا كان ما تقررونه فسوف يقبلون به و ينفذونه دون أي نقاش أو أخذ و رد... يعني مهمتكم كمجموعة تتلخص في تحديد أي أربعة أشخاص سيظلون في الملتجأ... و يمكنكم عمل بعض الافتراضات طالما هي منطقية... أفراد المجموعة المنكوبة (بدون ترتيب محدد) هم كالتالي:

أخصائي في علوم الأحياء يبلغ من العمر 50 عاما...
محامية تبلغ من العمر 40 عاما...
وزير يبلغ من العمر 40 عاما...
طالبة جامعة حامل تبلغ من العمر 28 عاما...
بناء و معلم نجارة يبلغ من العمر 25 عاما...
رجل مريض عقليا يبلغ من العمر 48 عاما...
طفلة تبلغ من العمر 6 أعوام
طبيب يبلغ من العمر 68 عاما...
طالبة جامعية تبلغ من العمر 18 عاما...

ملاحظة مهمة: للأسف فهذا النوع من الألغاز ليس له حل محدد و مؤكد... و ذلك لأنه لا يعتمد على المعطيات فقط... بل على أشياء أخرى تساعد اللي عايز يحله في اتخاذ قراره... زي الافتراضات المنطقية... و الخلفية الثقافية... و الأخلاقيات... و الميول السياسي... و أشياء كثيرة أخرى... يعني كل واحد منكم ممكن يبدي وجهة نظره و تبريراته في إختيار الأشخاص اللي هيظلوا في الملتجأ... و صاحب أفضل إقتراح مع أقوى تبريرات بإجماع الأعضاء سيكون الحل من نصيبه...

ملاحظة أخرى: معطيات اللغز كاملة... و إذا كنتم تريدون حل اللغز بالإعتماد على شيء ليس واضح في المعطيات فلكم ذلك... بشرط ان تكون افتراضاتكم منطقية كما أسلفنا...






intellegence 2

نوعين من الكراسى تنتجها شركه طلب منها ان تركب كراسى فى استوديوا جديد فاذا كانت المساحه المخصصه
للكراسى هى50000 م مربع وكميه الخشاب الموجوده36000م
بالنسبه للنوع الاول من الكرسيان يحتاج الواحد الى3م من الخشب والمساحه التى يشغلها 5 م مربع ومكسبه300 جنيه
والنوع الثانى يحتاج الى 4 م من الخشب ويشغل مساحه4 م مربع ومكسبه200 جنيه
فكيف تحقق الشركه اعلى فائده





قصة فزورة!

كل حرف ليه رقم معين و كل اسم جنبو مجموع ارقام حروفو
مثلا A=4 L=11 I=8
Ali=4+11+8=23
المطلوب بقى انك تطلع رقم كل حرف فى الصورة بعدها تجيب مجموع اخر اسم "feynman"
بس كده
من اولها كده انا ماعانديش الحل
اللى حيحلها يكتب الخطوااااااااااات








Mathematics For excellant

اثبت ان

Qoef

رباعي دائري

انا عاوز حلين مختلفين







عمل مكعب


من المعروف ان للمكعب سته اوجه... انظر لهذا النموذج للمربعات السته..



اذا طبعت هذا النموذج على ورقة وقمت بقصه..ستصبح قادرا على طيه على شكل مكعب....

وانظر لهذا الشكل..



لايمكن طى الشكل السابق ليصبح على شكل مكعب....


والمطلوب ..كم عدد الطرق التى يمكن بها ترتيب المربعات السته لتصبح على شكل مكعب...؟؟









معضلة روكا


نريد طريقة عملية لعمل نقطة داخل دائرة دون ان تقوم برفع القلم بعد ان يستقر علي الورقة ودون توصيل أية خطوط بين النقطة والدائرة !....








معضلة اخميدو (2)

يا جماعة انا حياتى معقدة بسبب المعضلات اللى انا مش لاقيلها حل خالص و دى معضلة جديدة ممكن تتحل فى نظرى
المطلوب ترسم الشكل ده بدون رفع القلم من على الورقة و بدون تكرار المشى على اى خط و اللى يحل المعضلة دى لازم يرسم بأسهم توضح ابتدى منين و راح فين







لو أنت جدع فك الحبل

يوجد شخصان أحدهما مربوط من معصميه بحبل طووووويل والآخر قام بتمرير الحبل الآخر الذي سيربط نفسه به من بين الحبل الأول وجسم الشخص الأول ثم ربط معصميه بهذا الحبل الطويل فنريد أن نفك الشخصان من هذه الورطة بدون أن نفك أي حبل من المعصم
والحبلان على فكرة أشبه بحلقتان في سلسلة





مجسمات 2 !!

اللغز دا عايز تخيل جامد أوي لأني مش هحط رسمة توضيحية عشان تتخيلوه براحتكو ,

اللغز الأول :

عندنا هرم مثلث القاعدة منتظم , يعني اضلاعه كلها نفس الطول , خلاص كده , هات بأة منتصف كل ضلع من أضلاعه , وصل المنتصفات ببعض , هيتكون عندك شكل هندسي داخل شكل الهرم , عايزين نجيب حجمه بدلالة (ل) حيث أن ل هو طول ضلع من أضلاع الهرم ,

استني بس , أنا مش عايزك تجيبها بطريقة واحدة , لااااااا , طريقتين علي الأقل , تقدر عليها كده ؟؟


اللغز التاني :

عندنا هرم مربع القاعدة , أضلاعه كلها نفس الطول , يللا نفس اللعبة , وصل المنتصفات وكون الشكل وهات حجمه بطريقتين .

ملحوظة في طريقة سهلة وطريقة بروفيشنال , وأنا مستني البروفيشنال طبعا






لغز ورق الكوتشينة - الجزء الحادى عشر

هذه المرة اللغز مختلف تماما ...

هذا اللغز ليس له حل عندى فى الحقيقة....

بمعنى آخر أهدى اليكم مقطع الفيديو هذا (فى المرفقات) وفيه خدعة جميلة جدا لأوراق الكوتشينة.

أرجو أن تستمتعوا بالخدعة ، ومن يعرف كيفية تنفيذها فليخبرنا مشكورا.