اكلمها مبتردش عشان اقلق

اكلمها مبتردش عشان اقلق وبعد شوية اكلمها وانا مبرق وناوى اديها كام كلمة يضايقوها ترد عليا قال نايمة قال نايمة وبتفوق الم واهدى نبضاتى اللى بتخبط واقول بينى وبين نفسى بتستعبط عشان الوقت ده مش وقت نوم خالص فقلت لازم اخلى دماغها تتظبط وبسكت سكتة فاهما...ها فتتاوب وتسالنى انت فين اشغلها ولا اجاوب يفوت صوتها تقولى سؤالى مسمعتوش؟ اقول انا عند واحد صاحبى متعرفيهوش ويلا نامى خدى راحتك تقولى صحيت تجيلى ضحكة اكتمها وانا فالبيت وانا والله نفسىبجد اطمنها لكن هى اللى بتخلينى اجننهااااا وكام مرة اكلمها واكون مشغول وبستناها تكلمنى انتظارى يطول وبعد ما فعلا اتضايق تكلمنى ساعتها موبيلى بيغيظها ...بيغيظها عشان مقفوووول يبان عندى اتصلت كتير ورا بعض وانا م الضحك والفرحة بكون ع الارض تجيلى رسالة كلمنى عشان مقفش واطنشها عشان فعلا ..عشان فعلا مبتهددش تجيلى رسالة انا خارجة وهتاخر مصدقهاش عشان الوقت متاخر شوية تقولى كلمنى عشان عايزاك ولو طنشت هتاكد فى واحدة معالك وبرده عشان تضايقنى تبعتلى سلام انا ف البيت لكن هقفل موبيلى وانام وانا والله نفسى بجد اطمنها لكن هى اللى بتخلينى اجننها