حكاية من الحياة الشاعر اخناتون الشــــــــــاعر

حكاية من الحياة
الشاعر اخناتون الشــــــــــاعر
--------------------------------
شفتها واقفة بتبكى من الزمان
سمعتها بتقول كلام
...يا دنيا لية ضاع الامان
قربت منها سألتها
لية البكى------- الدنيا لسة
فيها خير
بصت وسكتت
قلت لية اتكلمى احكى
حكايتك
حسمعك
قالت غريب- لساك بتسأل
عن حكايتى
------- الحكاية مش انا
هو الزمان
فرق ما بين قلبى انا
وهو كمان
كان الامل---كان الحنين
وف حضنة راحة من الانين
راح اللى راح
دلوقتى مين
حيعوضك
قلبى الحنين
رديت وقلت اتكلمى
واتعلمى--------- فية لسة خير
بكت بكيت ومعاها
قلت وحكيت
قالت فراق بعد السنين
حبيتة
لكن الفراق كان
اقوى منا
علمنى اية معنى الحياة
لكن فارقنى
دة كان ابويا----------
بعد فراق امى واخويا
وادينى دلوقتى وحيدة
فى الحياة
سكت لكن
دموعى نزلت من الحكاية
وسالت نفسى عن الفراق
لقيتة مر
لقيتة مر
لكن دى سنة للحياة
واحد بييجى يتولد
والتانى بتجيلة الوفاة
وهية هية
هية الحياة
اة من الفراق واة كتير
من معناة
اسف لانى
حكيت حكيت حكاية
حكاية من الحياة
.....................